أعلن نادي الجونة، اليوم الخميس، توجيه الشكر إلى أحمد مصطفى بيبو، المدير الفني للفريق الأول لكرة القدم، بعد مرور 7 جولات من منافسات الدوري المصري الممتاز.
وجاء قرار الجونة عقب الخسارة أمام سموحة بهدفين دون رد، في الجولة السابعة من المسابقة، ليتجمد رصيد الفريق عند نقطتين في المركز الأخير بجدول ترتيب الدوري.
رسالة نادي الجونة للمدرب أحمد بيبو
وكتب النادي عبر حسابه الرسمي على موقع التواصل الاجتماعي "فيسبوك"، رسالة وداع للمدرب، جاء فيها: "يتقدم نادي الجونة بخالص الشكر للكابتن أحمد مصطفى بيبو".
"فيه ناس بتكون جزء من رحلة النادي، وناس بتسيب أثر يفضل موجود حتى بعد ما الرحلة تخلص.. وكابتن بيبو من الناس اللي ليها مكانة خاصة في قلوبنا".
"شكرًا على كل لحظة تعب، وكل مجهود اتبذل، وكل حاجة قدمتها للفريق والنادي. الفترة اللي قضيتها معانا كان ليها قيمتها، وهنفضل دايمًا مقدّرين كل اللي قدمته بكل إخلاص وتفاني".
"يمكن الرحلة تكون وصلت لنهايتها، لكن كل التقدير والاحترام ليك هيفضلوا موجودين، من قلبنا، بنتمنالك كل الخير والتوفيق والنجاح في اللي جاي، وإن شاء الله تكون خطواتك الجاية مليانة نجاحات".
"شكرًا يا كابتن بيبو، على كل حاجة.. وكل التوفيق ليك دايمًا، هتفضل دايمًا جزء من عيلة نادي الجونة".
