أعلن أحمد عبد الرحيم إيشو، لاعب الفريق الأول بنادي الزمالك، تجديد تعاقده مع الأبيض، معربًا عن تمنيه برد جزء من ثقة الجماهير به.
ونشر أحمد عبد الرحيم إيشو عدة صور له بقميص الزمالك، عبر حسابه الرسمي على موقع التواصل الاجتماعي فيسبوك، وعلّق عليها قائلًا: "اليوم مش مجرد توقيع على عقد جديد، لكنه تأكيد على حكاية عمرها ما كانت مرتبطة بورقة أو رقم".
وأضاف: "الزمالك هو المكان اللي بدأت فيه أول خطوة في مشواري، والنادي اللي اتعلمت فيه معنى الانتماء، وقد إيه القميص ده له قيمة ومسؤولية كبيرة وفضل كبير عليا".
وتابع: "طول الوقت كنت مؤمن إنني واخد القرار الصح، واللي أي حد يتمناه، وعشان كده كان هدفي إني أكمل في المكان اللي بحبه وسط جمهور عمره ما كان مجرد جمهور بالنسبة لي، لكنه جزء من كل لحظة عشتها داخل النادي".
ونفى أحمد إيشو ما تردد في الفترة الماضية عن تعثر مفاوضات تجديد تعاقده مع الزمالك، حيث قال: "في زمن بقت فيه الشائعات أسرع من الحقيقة، أتمنى إن محدش يصدق كل كلمة بتتكتب أو تتقال على السوشيال ميديا، لأن الحقيقة عمرها ما كانت كلها هناك".
وأكمل: "اللي يعرفني بجد، عارف أنا مين، وعارف قد إيه الزمالك بالنسبة لي حاجة كبيرة، وبيتي فعلا اللي اتربيت فيه، وإن انتمائي عمره ما كان بالكلام".
وأتم أحمد عبد الرحيم إيشو تصريحاته قائلًا: "الحكاية مستمرة، وإن شاء الله اللي جاي يكون أجمل وأحسن، وأقدر أرد جزء بسيط من حب وثقة جمهور الزمالك داخل الملعب، لأني في الآخر واحد منكم، وفخور إني كبرت وسطكم".
